... ນະໂມ ຕັສສະ ພະຄະວະໂຕ ອະຣະຫະໂຕ ສັມມາສັມພຸທທັສສະ ຯ ... ນະໂມ ຕັສສະ ພະຄະວະໂຕ ອະຣະຫະໂຕ ສັມມາສັມພຸທທັສສະ ຯ ... ນະໂມ ຕັສສະ ພະຄະວະໂຕ ອະຣະຫະໂຕ ສັມມາສັມພຸທທັສສະ ຯ   ………………ຂໍເຖິ່ງພຣະຣັຕະນະຕຣັຍເປັນທີ່ເພິ່ງອັນອຸດົມຕະຫຼອດໄປ ! ! ! ! ! !……………… ປື້ມສວດມົນຕ໌ສິບສອງຕຳນານ ເຖຣາວາທ ມີກາຣສວດມົນຕ໌ ແບບດຽວກັນ ຂ້າພະເຈົ້າຂໍນຳ ນະມະກາຣະສິທທິຄາຖາ ພຣະນິພົນທ໌ຂອງສົມເດັຈພຣະພຣະມະຫາສະມະນະເຈົ້າ ກຣົມພຣະຍາວະຊິຣຍານະວະໂຣຣົສ ມາລົງໃຫ້ທ່ານທີ່ສົນໃຈຮຽນເພິ່ມເຕີມນະທີ່ນີ້ ___________________ ໃຊ້ແທນສັມພຸທເທ ໂຢ ຈັກຂຸມາ ໂມຫະມະລາປະກັຕໂຖ ສາມັງ ວະ ພຸທໂທ ສຸຄະໂຕ ວິມຸຕໂຕ ມາຣັສສະ ປາສາ ວິນິໂມຈະຢັນໂຕ ປາເປສິ ເຂມັງ ຊະນະຕັງ ວິເນຢຢັງ ຯ ພຸທທັງ ວະຣັນຕັງ ສິຣະສາ ນະມາມິ ໂລກັສສະ ນາຖັຍຈະ ວິນາຢະກັຍຈະ ຕັນເຕຊະສາ ເຕ ຊະຢະ ສິທທິ ໂຫຕຸ ສັພພັນຕະຣາຢາ ຈະ ວິນາສະເມນຕຸ ຯ ທັມໂມ ທະໂຊ ໂຢ ວິຢະ ຕັສສະ ສັຕຖຸ ທັສເສສິ ໂລກັສສະ ວິສຸທທິມັຄຄັງ ນິຢຢານິໂກ ທັມມະທະຣັສສະທາຣີ ສາຕາວະໂຫ ສັນຕິກະໂຣ ສຸຈິນໂນ ຯ ທັມມັງ ວະຣັນຕັງ ສິຣະສາ ນະມາມິ ໂມຫັປປະທາລັງ ອຸປະສັນຕະທາຫັງ ຕັນເຕຊະສາ ເຕ ຊະຢະສິທທິ ໂຫຕຸ ສັມພັນຕະຣາຢາ ຈະ ວິນາສະເມນຕຸ ຯ ສັທທັມມະເສນາ ສຸ ຄະຕານຸໂຄ ໂຢ ໂລກັສສະ ປາປູປະກິເລ ສະເຊຕາ ສັນໂຕ ສະຢັງ ສັນຕິນິໂຢຊະໂກ ຈະ ສວາກຂາຕະທັມມັງ ວິທິຕັງ ກະໂຣຕິ ຯ ສັງຄັງ ວະຣັນຕັງ ສິຣະສາ ນະມາມິ ພຸທທານຸພຸທທັງ ສະມະສີລະທິຕຖິງ ຕັນເຕຊະສາ ເຕ ຊະຢະ ສິທທິ ໂຫຕຸ ສັພພັນຕະຣາຢາ ຈະ ວິນາສະເມນຕຸ ຯ __________________ ຂຶ້ນສວດມົນຕ໌ສິບສອງຕຳນານ ສະຣັຊຊັງ ສະເສນັງ ສະພັນທຸງ ນະຣິນທັງ ປະຣິຕຕານຸພາໂວ ສະທາ ຣັກຂະຕູຕິ ຜະຣິຕວານະ ເມຕຕັງ ສະເມຕຕາ ພະທັນຕາ ອະວິກຂິຕຕະຈິຕຕາ ປະຣິຕຕັງ ພະນັນຕຸ ຯ ສະມັນຕາ ຈັກກະວາເລສຸ ອັຕຣາ ຄັຈສັນຕຸ ເທວະຕາ ສັທທັມມັງ ມຸນິຣາຊັສສະ ສຸນັນຕຸ ສັຄຄະໂມກຂະທັງ ຯ ສັຄເຄ ກາເມ ຈະ ຣູເປ ຄິຣິສິຂະຣະຕະເຕ ຈັນຕະລິກເຂ ວິມາເນ ທີເປ ຣັຕເຖ ຈະ ຄາເມ ຕະຣຸວະນະຄະຫະເນ ເຄຫະວັຕຖຸມຫິ ເຂຕເຕ ພຸມມາ ຈາຢັນຕຸ ເທວາ ຊະລະຖະລະວິສະເມ ຢັກຂະຄັນທັພພະນາຄາ ຕິຕຖັນຕາ ສັນຕິເກ ຢັງ ມຸນິວະຣະວະຈະນັງ ສາທະໂວ ເມ ສຸນັນຕຸ ຯ ທັມມັສສະວະນະກາໂລ ອະຢັມພະທັນຕາ ທັມມັສ ສະວະນະກາໂລ ອະຢັມພະທັນຕາ ທັມມັສສະວະນະກາໂລ ອະຢັມພະທັນຕາ ຯ ນະໂມ ຕັສສະ ພະຄະວະໂຕ ອະຣະຫະໂຕ ສັມມາສັມພຸທທັສສະ ຯ ( ວ່າ ໓ ເທື່ອ ) ພຸທທັງ ສະຣະນັງ ຄັຈສາມິ ທັມມັງ ສະຣະນັງ ຄັຈສາມິ ສັງຄັງ ສະຣະນັງ ຄັຈສາມິ ຯ ທຸຕິຢັມປິ ພຸທທັງ ສະຣະນັງ ຄັຈສາມິ ທຸຕິຢັມປິ ທັມມັງ ສະຣະນັງ ຄັຈສາມິ ທຸຕິຢັມປິ ສັງຄັງ ສະຣະນັງ ຄັຈສາມິ ຯ ຕະຕິຢັມປິ ພຸທທັງ ສະຣະນັງ ຄັຈສາມິ ຯ ຕະຕິຢັມປິ ທັມມັງ ສະຣະນັງ ຄັຈສາມິ ຕະຕິຢັມປິ ສັງຄັງ ສະຣະນັງ ຄັຈສາມິ ຯ ສັມພຸທເທ ອັຕຖະວີສັຍຈະ ທວາທະສັຍຈະ ສະຫັສສະເກ ປັຍຈະສະຕະສະຫັສສານິ ນະມາມິ ສິຣະສາ ອະຫັງ ເຕສາ ທັມມັຍຈະ ສັງຄັຍຈະ ອາທະເຣນະ ນະມາມິຫັງ ນະມະກາຣານຸພາເວນະ ຫັນຕວາ ສັພເພ ອຸປັທທະເວ ອະເນກາ ອັນຕະຣາຢາປິ ວິນັສສັນຕຸ ອະເສສະໂຕ ຯ ສັມພຸທເທ ປັຍຈະປັຍຍາສັຍຈະຈະຕຸວີສະຕິ ສະຫັສ ສະເກ ທະສະສະຕະສະຫັສສານິ ນະມາມິ ສິຣະສາ ອະຫັງ ເຕສັງ ທັມມັຍຈະ ສັງຄັຍຈະ ອາທະເຣນະ ນະມາມິຫັງ ນະມະກາຣານຸພາເວນະ ຫັນຕວາ ສັພເພ ອຸປັທທະເວ ອະເນກາ ອັນຕະຣາຢາປິ ວິນັສສັນຕຸ ອະເສສະໂຕຯ ສັມພຸທເທ ນະວຸຕຕະຣະສະເຕ ອັຕຖະຈັຕຕາລີສະສະຫັສສະເກ ວີສະຕິສະຕະສະຫັສສານິ ນະມາມິ ສິຣະສາ ອະຫັງ ເຕສັງ ສັງຄັຍຈະ ອາທະເຣນະ ນະມາມິຫັງ ນະມະກາຣານຸພາເວນະ ຫັນຕວາ ສັພເພ ອຸປັທທະເວ ອະເນກາ ອັນຕະຣາຢາປິ ວິນັສສັນຕຸ ອະເສສະໂຕ ຯ ( ຖ້າບໍ່ສວດ ສັມພຸທເທ ຈະສວດ ນະມະກາຣະສິທທິຄາຖາ ຊຶ່ງຢູ່ຫນ້າຕົ້ນແທນກໍໄດ້ ) ______________________ ນະໂມກາຣະອັຕຖະກະ ນະໂມ ອະຣະຫະໂຕ ສັມມາສັມພຸທທັສສະ ມະເຫສິໂນ ນະໂມ ອຸຕຕະມະທັມມັສສະ ສວາກຂາຕັສເສວະ ເຕນິທະ ນະໂມ ມະຫາສັງຄັສສາປິ ວິສຸທທະສີລະທິຕຖິໂນ ນະໂມ ໂອມາຕຢາຣັທທັສສະ ຣະຕະນັຕຕະຢັສສະ ສາທຸກັງ ນະໂມ ໂອມະກາຕີ ຕັສສະ ຕັສສະວັຕຖຸຕຕະຢັສສະປິ ນະໂມ ກາຣັປປະພາເວນະ ວິຄັຈສັນຕຸ ອຸປັທທະວາ ນະໂມ ກາຣານຸພາເວນະ ສຸວັຕຖິ ໂຫຕຸ ສັພພະທາ ນະໂມ ກາຣັສສະ ເຕເຊນະ ວິທິມຫິ ໂຫມິ ເຕຊະວາ ຯ ( ນະໂມກາຣະອັຕຖະກະນີ້ສວດໃນສະມັຍທີ່ຄວຣ ) _____________________   ເຣິ່ມມັງຄະລະສຸຕຕັງ ເຢ ສັນຕາ ສັນຕະຈິຕຕາ ຕິສະຣະນະສະຣະນາ ເອຕຖະ ໂລກັນຕະເຣ ວາ ພຸມມາພຸມມາ ຈະ ເທວາ ຄຸນະຄະນະຄະຫະນັພຢາວະຕາ ສັພພະກາລັງ ເອເຕ ອາຢັນຕຸ ເທວາ ວະຣະກະນະ ກະມະເຢ ເມຣຸຣາເຊ ວະສັນໂຕ ສັນໂຕ ສັນໂຕ ສະເຫຕຸງ ມຸນິວະຣະວະຈະນັງ ໂສຕຸມມັຄຄັງ ຯ ສັພເພສຸຈັກກະວາເລສຸ ຢັກຂາ ເທວາ ຈະ ພຣັຫມຸໂນ ຢັງ ອັມເຫຫິ ກະຕັງ ປຸຍຍັງ ສັພພະສັມປັຕຕິ ສາທະກັງ ສັພເພ ຕັງ ອະນຸໂມທິຕວາ ສະມັຄຄາ ສາສະເນ ຣະຕາ ປະມາທະຣະຫິຕາ ໂຫນຕຸ ອາຣັກຂາສຸ ວິເສສະໂຕ ສາສະນັສສະ ຈະ ໂລກັສສະ ວຸທທີ ພະວະຕຸ ສັພພະທາ ສາສະນັມປິ ຈະ ໂລກັຍຈະ ເທວາ ຣັກຂັນຕຸ ສັພພະທາ ສັທທິງ ໂຫນຕຸ ສຸຂີ ສັພເພ ປະຣິວາເຣຫິ ອັຕຕະໂນ ອະນີຄາ ສຸມະນາ ໂຫນຕຸ ສະຫະ ສັພເພຫິ ຍາຕິພິ ຯ ຢັຍຈະ ທວາທະສະ ວັສສານິ ຈິນຕະຢິງສຸ ສະເທວະກາ ຈິຣັສສັງ ຈິນຕະຢັນຕາປິ ເນວະ ຊານິງສຸ ມັງຄະລັງ ຈັກກະ ວາລະສະຫັສເສສຸ ທະສະສຸ ເຢນະ ຕັຕຕະກັງ ກາລັງ ໂກລາຫະລັງ ຊາຕັງ ຢາວະ ພຣັຫມເວສະນາ ຢັງ ໂລກະນາໂຖ ເທເສສິ ສັພພະປາປະວິນາສະນັງ ຢັງ ສຸຕວາ ສັພພະທຸກເຂຫິ ມຸຈຈັນຕາ ສັງຂິຢາ ນະຣາ ເອວະມາທິຄຸນູເປຕັງ ມັງຕະລັນຕັມພະນາມະ ເຫ ຯ ____________________ ມັງຄະລະສຸຕຕັງ ເອວັມເມ ສຸຕັງ ຯ ເອກັງ ສະມະຢັງ ພະຄະວາ ສາວັຕຖິຢັງ ວິຫະຣະຕິ ເຊຕະວະເນ ອະນາຖະປິນທິກັສສະ ອາຣາເມ ຯ ອະຖະໂຂ ອັຍຍະຕະຣາ ເທວະຕາ ອະພິກກັນຕາຢະ ຣັຕຕິຢາ ອະພິກກັນຕະວັນນາ ເກວະລະກັປປັງ ເຊຕະວະນັງ ໂອພາເສຕວາ ເຢນະ ພະຄະວາ ເຕນຸປະສັງກະມິຕວາ ພະຄະວັນຕັງ ອະພິວາເທຕວາ ເອກະມັນຕັງ ອັຕຖາສິ ຯ ເອກະມັນຕັງ ຖິຕາ ໂຂ ສາ ເທວະຕາ ພະຄະວັນຕັງ ຄາຖາຢະ ອັຊຊະພາສິຯ ພະຫູ ເທວາ ມະນຸສສາ ຈະ ມັງຄະລານິ ອະຈິນຕະຢຸງ ອາກັງຂະມານາ ໂສຕຖານັງ ພຣູຫິ ມັງຄະລະມຸຕຕະມັງ ຯ ອະເສວະນາ ຈະ ພາລານັງ ປັນທິຕານັຍຈະ ເສວະນາ ປູຊາ ຈະ ປູຊະນີຢານັງ ເອຕັມ ມັງຄະລະມຸຕຕະມັງ ຯ ປະຕິຣູປະເທສະ ວາໂສ ຈະ ປຸເພ ຈະ ກະຕະປຸຍຍະຕາ ອັຕຕະສັມມາປະນິທິ ຈະ ເອຕັມ ມັງຄະລະມຸຕຕະມັງ ຯ ພາຫຸສັຈຈັຍຈະ ສິປປັຍຈະ ວິນະໂຢ ຈະ ສຸສິກຂິໂຕ ສຸພາສິຕາ ຈະ ຢາ ວາຈາ ເອຕັມ ມັງຄະລະມຸຕຕະມັງ ຯ ມາຕາປິຕຸອຸປັຕຖານັງ ປຸຕຕະທາຣັສສະ ສັງຄະໂຫ ອະນາກຸລາ ຈະ ກັມມັນຕາ ເອຕັມ ມັງຄະລະມຸຕຕະມັງ ຯ ທານັຍຈະ ທັມມະຈະຣິຢາ ຈະ ຍາຕະການັຍຈະ ສັງຄະໂຫ ອະນະວັຊຊານິ ກັມມານິເອຕັມ ມັງຄະລະມຸຕຕະມັງ ຯ ອາຣະຕີ ວິຣະຕີ ປາປາ ມັຊຊະປານາ ຈະ ສັຍຍະໂມ ອັປປະມາໂທ ຈະ ທັມເມສຸ ເອຕັມ ມັງຄະລະມຸຕຕະມັງ ຯ ຄາຣະໂວ ຈະ ນິວາໂຕ ຈະ ສັນຕຸຕຖີ ຈະ ກະຕັຍຍຸຕາ ກາເລນະ ທັມມັສສະວະນັງ ເອຕັມ ມັງຄະລະມຸຕຕະມັງ ຯ ຂັນຕີ ຈະ ໂສວະຈັສສະຕາ ສະມະນານັຍຈະ ທັສສະນັງ ກາເລນະ ທັມມະສາກັຈສາ ເອຕັມ ມັງຄະລະມຸຕຕະມັງ ຯ ຕະໂປ ຈະ ພຣັຫມະຈະຣິຢັຍຈະ ອະຣິຢະສັຈຈານະ ທັສສະນັງ ນິພພານະສັຈສິກິຣິຢາ ຈະ ເອຕັມ ມັງຄະລະມຸຕຕະມັງ ຯ ຜຸຕຖັສສະ ໂລກະທັມເມຫິ ຈິຕຕັງ ຢັສສະ ນະ ກັມປະຕິ ອະໂສກັງ ວິຣະຊັງ ເຂມັງ ເອຕັມ ມັງຄະລະມຸຕຕະມັງ ຯ ເອຕາທິສານິ ກັຕວານະ ສັພພັຕຖະມະປະຣາຊິຕາ ສັພພັຕຖະ ໂສຕຖິງ ຄັຈສັນຕິ ຕັນເຕສັງ ມັງຄະລະມຸຕຕະມັນຕິ ຯ ________________________   ເຣິ່ມຣະຕະນະສຸຕຕັງ ປະນິທານະໂຕ ປັຕຖາຢະ ຕະຖາຄະຕັສສະ ທະສະປາຣະມິໂຢ ທະສະ ອຸປະປາຣະມິໂຢ ທະສະ ປະຣະມັຕຖະປາຣະມິໂຢຕິ ສະມະຕິງສະ ປາຣະມິໂຢ ປູເຣຕວາ ປັຍຈະ ມະຫາປະຣິຈຈາເຄ ຕິສໂສ ຈະຣິຢາ ປັຈສິມມັພພະເວ ຄັພພາວັກກັນຕິງ ຊາຕິງ ອະພິນິກຂະມະນັງ ປະທານະຈະຣິຢັງ ໂພທິປັລລັງເກ ມາຣະວິຊະຢັງ ສັພພັຍຍຸຕະຍານັປປະຕິເວທັງ ທັມມະຈັກກັປປະວັຕຕະນັງ ນະວະ ໂລກຸຕຕະຣະທັມເມຕິ ສັພເພປິເມ ພຸທທະຄຸເນ ອາວັຊຊິຕວາ ເວສາລິຢາ ຕີສຸ ປາກາຣັນຕະເຣສຸ ຕິຢາມະຣັຕຕິງ ປະຣິຕຕັງ ກະໂຣນໂຕ ອາຢັສມາ ອານັນທັຕເຖໂຣ ວິຢະ ກາຣຸຍຍະຈິຕຕັງ ອຸປັຕຖະເປຕວາ ໂກຕິສະຕະສະຫັສເສສຸ ຈັກກະວາເລສຸ ເທວະຕາ ຢັສສາຊັມປະຕຄຄັນຫັນຕິ ຢັຍຈະ ເວສາລິຢັມປຸເຣ ໂຣຄາມະນຸສສະ ທຸພພິກຂະສັມພູຕັນຕິວິທັມພະຢັງ ຂິປປະມັນຕະຣະທາເປສິ ປະຣິຕຕັນຕັມພະນາມະ ເຫ ຯ __________________________ ຣະຕະນະສຸຕຕັງ ຢານີທະ ພູຕານິ ສະມາຄະຕານິ ພຸມມານິ ວາ ຢານິວະ ອັນຕະລິກເຂ ສັພເພວະ ພູຕາ ສຸມະນາ ພະວັນຕຸ ອະໂຖປິ ສັກກັຈຈະ ສຸນັນຕຸ ພາສິຕັງ ຕັສ໌ມາ ຫິ ພູຕາ ນິສາເມຖະ ສັພເພ ເມຕຕັງ ກະໂຣຖະ ມານຸສິຢາ ປະຊາຢະ ທິວາ ຈະ ຣັຕໂຕ ຈະ ຫະຣັນຕິ ເຢ ພະລິງ ຕັສ໌ມາ ຫິ ເນ ຣັກຂະຖະ ອັປປະມັຕຕາ ຯ ຢັງກິຍຈິ ວິຕຕັງ ອິທະ ວາ ຫຸຣັງ ວາ ສະເຄສຸ ວາ ຢັງ ຣະຕະນັງ ປະນີຕັງ ນະ ໂນ ສະມັງ ອັຕຖິ ຕະຖາຄະເຕນະ ອິທັມປິ ພຸທເທ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ຂະຢັງ ວິຣາຄັງ ອະມະຕັງ ປະນີຕັງ ຢະທັຊຊະຄາ ສັກ໌ຢະມຸນີ ສະມາຫິໂຕ ນະ ເຕນະ ທັມເມນະ ສະມັຕຖິ ກິຍຈິ ອິທັມປິ ທັມເມ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ຢັມພຸທທະເສຕໂຖ ປະຣິວັນນະຢີສຸຈິງສະມາທິມານັນຕະຣິກັຍຍະມາຫຸ ສະມາທິນາ ເຕນະ ສະໂມ ນະ ວິຊຊະຕິ ອິທັມປິ ທັມເມ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ເຢ ປຸຄຄະລາ ອັຕຖະ ສະຕັງ ປະສັຕຖາ ຈັຕຕາຣິ ເອຕານິ ຢຸຄານິ ໂຫນຕິ ເຕ ທັກຂິເນຢຢາ ສຸຄະຕັສສະ ສາວະກາ ເອເຕສຸ ທິນນານິ ມະຫັປຜະລານິ ອິທັມປິ ສັງເຄ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ເຢ ສຸປປະຢຸຕຕາ ມະນະສາ ທັລເຫນະ ນິກກາມິໂນ ໂຄຕະມະສາສະນັມຫິ ເຕ ປັຕຕິປັຕຕາ ອະມະຕັງ ວິຄັຢຫະ ລັທທາ ມຸທາ ນິພພຸຕິງ ພຸຍຊະມານາ ອິທັມປິ ສັງເຄ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ຢະຖິນທະຂີໂລ ປະຖະວິງ ສິໂຕ ສິຢາ ຈະຕຸພພິ ວາເຕພິ ອະສັມປະ ກັມປິໂຢ ຕະຖູປະມັງ ສັປປຸຣິສັງ ວະທາມິ ໂຢ ອະຣິຢະສັຈຈານິ ອະເວຈຈະ ປັສສະຕິ ອິທັມປິ ສັງເຄ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ເຢ ອະຣິຢະສັຈຈານິ ວິພາວະຢັນຕິ ຄັມພີຣະປັຍເຍນະ ສຸເທສິຕານິ ກິຍຈາປິ ເຕ ໂຫຕິ ພຸສັປປະມັຕຕາ ນະ ເຕ ພະວັງ ອັຕຖະມະມາທິຢັນຕິ ອິທັມປິ ສັງເຄ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ສະຫາວັສສະ ທັສສະນະສັມປະທາຢະ ຕະຢັສສຸ ທັມມາ ຊະຫິຕາ ພະວັນຕຸ ສັກກາຢະທິຕຖິ ວິຈິກິຈສິຕັຍຈະ ສີລັພພະຕັງ ວາປິ ຢະທັຕຖິກິຍຈິ ຈະຕູຫະປາເຢຫິ ຈະວິປປະມຸຕໂຕ ສະຈາພິຖານານິ ອະພັພໂພ ກາຕຸງ ອິທັມປິ ສັງເຄ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ກິຍຈາປິ ໂສ ກັມມັງ ກະໂຣຕິ ປາປະກັງ ກາເຢນະ ວາຈາຢຸທະ ເຈຕະສາ ວາ ອະພັພໂພ ໂສ ຕັສສະ ປະຕິຖສະທາຢະ ອະພັພພະຕາ ທິຕຖະປະທັສສະ ວຸຕຕາ ອິທັມປິ ສັງເຄ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ວະນັປປະຄຸມເພ ຢະຖາ ຜຸສສິຕັຄເຄ ຄິມະຫານະມາເສ ປະຖະມັສ໌ມິງ ຄິມເຫ ຕະຖູປະມັງ ທັມມະວະຣັງ ອະເທສະຢິ ນິພພານະຄາມິງ ປະຣະມັງ ຫິຕາຢະ ອິທັມປິ ພຸທເທ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ວະໂຣ ວະຣັຍຍູ ວະຣະໂທ ວະຣາຫະໂຣ ອະນຸຕຕະໂຣ ທັມມະວະຣັງ ອະເທສະຢິ ອິທັມປິ ພຸທເທ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ຂີນັງ ປຸຣານັງ ນະວັງ ນັຕຖິ ສັມພະວັງ ວິຣັຕຕະຈິຕຕາຢະຕິເກ ພະວັສມິງ ເຕ ຂີຣະພີຊາ ອະວິຣຸລຫິສັນທາ ນິພພັນຕິ ທີຣາ ຢະຖາຢັມປະທີໂປ ອິ ທັມປິ ສັງເຄ ຣະຕະນັງ ປະນີຕັງ ເອເຕນະ ສັຈເຈນະ ສຸວັຕຖິ ໂຫຕຸ ຯ ຢານີທະ ພູຕານິ ສະມາຄະຕານິ ພຸມມານິ ວາ ຢານິວາ ອັນຕະລິກເຂ ຕະຖາຄະຕັງ ເທວະມະນຸສສະ ປູຊິຕັງ ພຸທທັງ ນະມັສສາມະ ສຸວັຕຖິ ໂຫຕຸ ຯ ຢານີທະ ພູຕານິ ສະມາ ຄະຕານິ ພຸມມານິ ວາ ຢານິວະ ອັນຕະລິກເຂ ຕະຖາຄະຕັງ ເທວະມະນຸສສະ ປູຊິຕັງ ທັມມັງ ນະມັສສາມະ ສຸວັຕຖິ ໂຫຕຸ ຯ ຢານີທະ ພູຕານິ ສະມາຄະຕານິ ພຸມມານິ ວາ ຢານິວະ ອັນຕະລິກເຂ ຕະຖາຄະຕັງ ເທວະມະນຸສສະປູຊິຕັງ ສັງຄັງ ນະມັສສາມະ ສຸວັຕຖິ ໂຫຕຸ ຯ ___________________   ເຣິ່ມກະຣະນີຢະເມຕຕະສຸຕຕັງ ຢັສສານຸພາວະໂຕ ຢັກຂາ ເນວະ ທັສເສນຕິ ພິງສະນັງ ຢັມຫິ ເຈວານຸຢຸຍຊັນໂຕ ຣັຕຕິນທິວະມະຕັນທິໂຕ ສຸຂັງ ສຸປະຕິ ສຸຕໂຕ ປາປັງ ກິຍຈິ ນະ ປັສສະຕິ ເອວະມາທິຄຸນູເປຕັງ ປະຣິຕຕັນຕັມພະນາມະ ເຫ ຯ ___________________ ກະຣະນີຢະເມຕຕະສຸຕຕັງ ກະຣະນີຢະມັຕຖະກຸສະເລນະ ຢັນຕັງ ສັນຕັງ ປະທັງ ອະພິສະເມຈຈະ ສັກໂກ ອຸຊູ ຈະ ສຸຫຸຊູ ສຸວະໂຈ ຈັສສະ ມຸທຸ ອະນະຕິມານີ ສັນຕຸສສະໂກ ຈະ ສຸພະໂຣ ຈະ ອັປປະກິຈໂຈ ຈະ ສັລລະຫຸກະວຸຕຕິ ສັນຕິນທຣິໂຢ ຈະ ນິປະໂກ ຈະ ອັປປະ ຄັພໂພ ກຸເລສຸ ອະນະ ນຸຄິທໂ ທ ນະ ຈະ ຂຸທທັງ ສະມາຈະເຣ ກິຍຈິ ເຢນະ ວິຍຍູ ປະເຣ ອຸປະວະເທຢຢຸງ ສຸຂິໂນ ວາ ເຂມິໂນ ໂຫນຕຸ ສັພເພ ສັຕຕາ ພະວັນຕຸ ສຸຂິຕັຕຕາ ເຢ ເກຈິ ປານະພູ ຕັຕຖິ ຕະສາ ວາ ຖາວະຣາ ວາ ອະນະວະເສສາ ທີຄາ ວາ ເຢ ມະຫັນຕາ ວາ ມັຊຊິມາ ຣັສສະກາ ອະນຸກະຖູລາ ທິຕຖາ ວາ ເຢ ຈະ ອັທິຕຖາ ເຢ ຈະ ທູເຣ ວະສັນຕິ ອະວິທູເຣ ພູຕາ ວາ ສັມພະ ເວສີ ວາ ສັພເພ ສັຕຕາ ພະວັນຕຸ ສຸຂິຕັຕຕາ ນະ ປະໂຣ ປະຣັງ ນິກຸພເພຖະ ນາຕິມັຍເຍຖະ ກັຕຖະຈິ ນັງ ກິຍຈິ ພຢາໂຣສະນາ ປະຕີຄະສັຍຍາ ນາຍຍະມັຍຍັສສະ ທຸກຂະມິຈເສຢຢະ ມາຕາ ຢະຖານິຢັງ ປຸຕຕັງ ອາຢຸສາ ເອກະປຸຕຕະມະນຸຣັກເຂ ເອວັມປິ ສັພພະພູເຕສຸ ມານະສັມພາວະເຢ ອະປະຣິມານັງ ເມຕຕັຍຈະ ສັພພະໂລກັສມິງ ມານະສັມພາວະເຢ ອະປະຣິມານັງ ອຸທທັງ ອະໂທ ຈະ ຕິຣິຢັຍຈະ ອະສັມພາທັງ ອະເວຣັງອະສະປັຕຕັງ ຕິຕຖັຍຈະຣັງ ນິສິນໂນ ວາ ສະຢາໂນ ວາ ຢາວະຕັສສະ ວິຄະຕະມິທໂທ ເອຕັງ ສະຕິງ ອະທິຕເຖຢຢະ ພຣັຫມະເມຕັງ ວິຫາຣັງ ອິທະມາຫຸ ທິຕຖິຍ ຈະ ອະນຸປະຄັມມະ ສີລະວາ ທັສສະເນນະ ສັມປັນໂນ ກາເມສຸ ວິເນຢຢະ ເຄທັງ ນະຫິ ຊາຕຸ ຄັພພະເສຢຢັງ ປຸນະເຣຕີຕິ ຯ ___________________   ເຣິ່ມຂັນທະປະຣິຕຕັງ ສັພພາສີວິສະຊາຕີນັງ ທິພພະມັນຕາຄະທັງ ວິຢະ ຢັນນາ ເສຕິ ວິສັງ ໂຄຣັງ ເສສັຍຈາປິ ປະຣິສສະຢັງ ອານັກເຂຕຕັມຫິ ສັພພັຕຖະ ສັພພະທາ ສັພພະປານິນັງ ສັພພະໂສປິ ນິວາເຣຕິ ປະຣິຕຕັນຕັມພະນາມະ ເຫຯ ___________________ ຂັນທະປະຣິຕຕັງ ວິຣູປັກເຂຫິ ເມ ເມຕຕັງ ເມຕຕັງ ເອຣາປະເຖຫິ ເມ ສັພຢາປຸຕເຕຫິ ເມ ເມຕຕັງ ເມຕຕັງ ກັນຫາໂຄຕະຣະເກຫິ ຈະ ອະປາທະເກຫິ ເມ ເມຕຕັງ ເມຕຕັງ ທິປາທະເກຫິ ເມ ຈະຕຸປປະ ເທຫິ ເມ ເມຕຕັງ ເມຕຕັງ ພະຫຸປປະເທຫິ ເມ ມາ ມັງ ອະປາ ທະໂກ ຫິງສິ ມາ ມັງ ຫິງສິ ທິປາທະໂກ ມາ ມັງ ຈະຕຸປປະໂທ ຫິງສິ ມາ ມັງ ຫິງສິ ພະຫຸປປະໂທ ສັພເພ ສັຕຕາ ສັພເພ ປານາ ສັພເພ ພູຕາ ຈະ ເກວະລາ ສັພເພ ພັທຣານິ ປັສສັນຕຸ ມາ ກິຍຈິ ປາປະມາຄະມາ ອັປປະມາໂນ ພຸທໂທ ອັປປະມາໂນ ທັມໂມ ອັປປະມາໂນ ສັງໂຄ ປະມານະວັນຕານິ ສິຣິງສະປານິ ອະຫິ ວິຈສິກາ ສະຕະປະທີ ອຸນນານາພີ ສະຣະພູ ມູສິກາ ກະຕາ ເມ ຣັກຂາ ກະຕາ ເມ ປະຣິຕຕາ ປະຕິກກະມັນຕຸ ພູຕານິ ໂສຫັງ ນະໂມ ພະຄະວະໂຕ ນະໂມ ສັນຕັນນັງ ສັມມາສັມພຸທທານັງຯ ___________________   ສັທທັນຕະປະຣິຕຕັງ ວະທິສສະເມນັນຕິ ປະຣາມະສັນໂຕ ກາສາວະມັທທັກຂິ ທະຊັງ ອິສີນັງ ທຸກເຂນະ ຜຸຕຖັສສຸທະປາທິ ສັຍຍາ ອະຣະຫັທທະໂຊ ສັພພິ ອະວັຊຊະຣູໂປ ສັລເລນະ ວິທໂທ ພຢະຖິໂຕປິ ສັນໂຕ ກາສາວະວັຕຖັມຫິ ມະນັງ ນະທຸສສະຢິ ສະເຈ ອິມັງ ນາຄະວະ ເຣນະ ສັຈຈັງ ມາມັງ ວະເນ ພາລະມິຄາ ອະຄັຍສຸນຕິຯ ___________________   ເຣິ່ມໂມຣະປະຣິຕຕັງ ປູເຣນຕັມໂພທິສັມພາເຣ ນິພພັຕຕັງ ໂມຣະໂຢນິຢັງ ເຢນະ ສັງວິຫິຕາຣັກຂັງ ມະຫາສັຕຕັງ ວະເນຈະຣາ ຈິຣັສສັງ ວາຢະມັນ ຕາປິ ເນວະ ສັກຂິງສຸ ຄັນຫິຕຸງ ພຣັຫມະມັນຕັນຕິ ອັກຂາຕັງ ປະຣິຕຕັນຕັມພະນາມະ ເຫ ຯ ___________________ ໂມຣະປະຣິຕຕັງ ອຸເທຕະຢັຍຈັກຂຸມາ ເອກະຣາຊາ ຫະຣິສສະວັນໂນ ປະຖະວິປປະພາໂສ ຕັງ ຕັງ ນະມັສສາມິ ຫະຣິສສະວັນນັງ ປະຖະວິປປະພາສັງ ຕະຢັຊຊະ ຄຸຕຕາ ວິຫະເຣມຸ ທິວະສັງ ເຢ ພຣາຫມະນາ ເວທະຄຸ ສັພພະທັມຊມ ເຕ ເມ ນະໂມ ເຕ ຈະ ມັງ ປາລະຢັນຕຸ ນະມັຕຖຸ ພຸທທານັງ ນະມັຕຖຸ ໂພທິຢາ ນະໂມ ວິມຸຕຕານັງ ນະໂມ ວິມຸຕຕິຢາ ອິມັງ ໂສ ປະຣິຕຕັງ ກັຕວາ ໂມໂຣ ຈະຣະຕິ ເອສະນາຯ ອະເປຕະຢັຍຈັກຂຸມາ ເອກະຣາຊາ ຫະຣິສສະວັນໂນ ປະຖະວິປປະພາໂສ ຕັງ ຕັງ ນະມັສສາມິ ຫະຣິສສະວັນນັງ ປະຖະວິປປະພາສັງ ຕະຢັຊຊະ ຄຸຕຕາ ວິຫະເຣມຸ ຣັຕຕິງ ເຢ ພຣາຫມະນາ ເວທະຄຸ ສັພພະທັມເມ ເຕ ເມ ນະໂມ ເຕ ຈະມັງ ປາລະຢັນຕຸ ນະມັຕຖຸ ພຸທທານັງ ນະມັຕຖຸ ໂພທິຢາ ນະໂມ ວິມຸຕຕານັງ ນະໂມ ວິມຸຕຕິຢາ ອິມັງ ໂສ ປະຣິຕຕັງ ກັຕວາ ໂມໂຣ ວາ ສະມະກັປປະຢີຕິຯ ___________________   ເຣິ່ມວັຕຕະກະປະຣິຕຕັງ ປູເຣນຕັມໂພທິສັມພາເຣ ນິພພັຕຕັງ ວັຕຕະຊາຕິຢັງ ຢັສສະ ເຕເຊນະ ທາວັຄຄິ ມະຫາສັຕຕັງ ວິວັຊຊະຢິ ເຖຣັສສະ ສາຣີປຸຕຕັສສະ ໂລກະນາເຖນະ ພາສິຕັງ ກັປປັຕຖາຢິ ມະຫາເຕຊັງ ປະຣິຕຕັນຕັມພະນາມະ ເຫ ຯ ___________________ ວັຕຕະກະປະຣິຕຕັງ ອັຕຖິ ໂລເກ ສີລະຖຸໂນ ສັຈຈັງ ໂສເຈຢຢະນຸທທະຢາ ເຕນະ ສັຈເຈນະ ກາຫາມິ ສັຈຈະກິຣິຢະມະນຸຕຕະຣັງ ອາວັຊຊິຕວາ ທັມມະພະລັງ ສະຣິຕວາ ປຸພພະເກ ຊິເນ ສັຈຈະພະລະມະວັສ ສາຢະ ສັຈຈະກິຣິຢະມະກາສະຫັງ ສັນຕິ ປັກຂາ ອະປັຕຕະນາ ສັນຕິປາທາ ອະວັຍຈະນາ ມາຕາ ປິຕາ ຈະ ນິກຂັນຕາ ຊາຕະ ເວທະ ປະຕິກກະມະ ສະຫະ ສັຈເຈ ກະເຕ ມັຢຫັງ ມະຫາປັຊ ຊະລິໂຕ ສິຂີ ວັຊເຊສິ ໂສລະສະກະຣີສານິ ອຸທະກັງ ປັຕວາ ຢະຖາ ສິຂີ ສັຈເຈນະ ເມ ສະໂມ ນັຕຖິ ເອສາ ເມ ສັຈຈະປາຣະມີຕິຯ ___________________   ເຣິ່ມທະຊັຄຄະສຸຕຕັງ ຢັສສານຸສສະຣະເນນາປິ ອັນຕະລິກເຂປິ ປານິໂນ ປະຕິຕຖະມະທິຄັຈສັນຕິ ພູມິຢັງ ວິຢະ ສັພພະທາ ສັພພູ ປັທທະວະຊາລັມະຫາ ຢັກຂະໂຈຣາທິສັມພະວາ ຄະນະນາ ນະ ຈະ ມຸຕຕານັງ ປະຣິຕຕັນຕັມພະນາມະ ເຫ ຯ ___________________ ທະຊັຄຄະສຸຕຕັງ ເອວັມເມ ສຸຕັງຯ ເອກັງ ສະມະຢັງ ພະຄະວາ ສາວັຕຖິຢັງ ວິຫະຣະຕິ ເຊຕະວະເນ ອະນາຖະປິນທິກັສສະ ອາຣາເມ ຯ ຕັຕຣະ ໂຂ ພະຄະວາ ພິກຂູ ອາມັນເຕສິ ພິກຂະໂວຕິ ຯ ພະທັນເຕຕິ ເຕ ພິກຂູ ພະຄະວະໂຕ ປັຈຈັສໂສສຸງ ຯ ພະຄະວາ ເອຕະທະໂວຈະຯ ພູຕະປຸພພັງ ພິກຂະເວ ເທວາສຸຣະສັງຄາໂມ ສະມຸປັພຢຸລ ໂຫ ອະໂຫສິ ຯ ອະຖະໂຂ ພິກຂະເວ ສັກໂກ ເທວານະມິນໂທ ເທເວ ຕາວະຕິງເສ ອາມັນເຕສິ ສະເຈ ມາຣິສາ ເທວານັງ ສັງຄາ ມະຄະຕານັງ ອຸປປັຊເຊຢຢະ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ມະເມວະ ຕັສມິງ ສະມະເຢ ທະຊັຄຄັງ ອຸລໂລເກຢຢາຖະ ມະມັງ ຫິ ໂວ ທະຊັຄຄັງ ອຸລໂລກະຢະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ໂສ ປິຫິຢຢິສສະຕິ ໂນ ເຈ ເມ ທະຊັຄຄັງ ອຸລໂລເກຢຢາຖະ ອະຖະ ປະຊາປະຕິສສະ ເທວະຣາຊັສສະ ທະຊັຄຄັງ ອຸລໂລເກຢ ຢາຖະ ປະຊາປະຕິສສະ ຫິໂວ ເທວະຣາຊັສສະ ທະຊັຄຄັງ ອຸລໂລກະຢະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ໂສ ປະຫິຢຢິສສະຕິ ໂນ ເຈ ປະຊາປະຕິສສະ ເທວະຣາຊັສສະ ທະຊັຄຄັງ ອຸລໂລເກຢຢາຖະ ອະຖະ ວະຣຸນັສສະ ຫິໂວ ເທວະຣາຊັສສະ ທະຊັຄຄັງ ອຸລໂລກະຢະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ໂສ ປະຫິຢຢິສ ສະຕິ ໂນ ເຈ ວະຣຸນັສສະ ເທວະຣາຊັສສະ ທະຊັຄຄັງ ອຸລໂລ ເກຢຢາຖະ ອີສານັສສະ ຫິໂວ ເທວະ ຣາາຊັສສະ ທະຊັຄຄັງ ອຸລໂລກະຢະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ໂສ ປະຫິຢຢິສສະຕີຕິຯ ຕັງ ໂຂ ປະນະ ພິກຂະເວ ສັກກັສສະ ວາ ເທວານະ ມິນທັສສະ ທະຊັຄຄັງ ອຸລໂລກະຢະຕັງ ປະຊາປະຕິສສະ ວາ ເທວະຣາຊັສສະ ທະຊັຄຄັງ ອຸລໂລກະຢະຕັງ ວະຣຸນັສສະ ວາ ເທວະຣາຊັສສະ ທະຊັຄຄັງ ອຸລໂລກະຢະຕັງ ອີສານັສສະ ວາ ເທວະຣາຊັສສະ ທະຊັຄຄັງ ອຸລໂລກະຢະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາໂສ ປະຫິຢເຢຖາປິ ໂນປິ ປະຫິຢເຢຖະ ຕັງ ກິສສະເຫຕຸ ສັກໂກ ຫິ ພິກຂະເວ ເທວານະມິນໂທ ອະວີຕະຣາໂຄ ອະວີຕະໂທໂສ ອະວີຕະໂມໂຫ ພິຣຸ ສັມພີ ອຸຕຣາສີ ປະລາຢີຕິຯ ອະຫັຍຈະ ໂຂ ພິກຂະເວ ເອວັງ ວະທາມິ ສະເຈ ຕຸມະຫາກັງ ພິກຂະເວ ອະຣັຍຍະຄະຕານັງ ວາ ຣຸກຂະມູລະຄະຕານັງ ວາ ສຸຍຍາຄາຣະຄະຕານັງ ວາ ອຸປປັຊເຊຢຢະ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ມະເມວະ ຕັສມິງ ສະມະເຢ ອັນຸສສະເຣຢຢາຖະ ອິຕິປິ ໂສ ພະຄະວາ ອະຣະຫັງ ສັມມາສັມພຸທໂທ ວິຊຊາຈະຣະນະສັມປັນໂນ ສຸຄະໂຕ ໂລກະວິທູ ອະນຸຕຕະໂຣ ປຸຣິສະທັມມະສາຣະຖິ ສັຕຖາ ເທວະມະນຸສສານັງ ພຸທໂທ ພະຄະວາຕິ ມະມັງ ຫິ ໂວ ພິກຂະເວ ອະນຸສສະຣະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ໂສ ປະຫິຢຢິສສະຕິ ໂນ ເຈ ມັງ ອະນຸສສະເຣຢຢາຖະ ອະຖະ ທັມມັງ ອະນຸສສະເຣຢຢາຖະ ສວາກຂາໂຕ ພະຄະວະຕາ ທັມໂມ ສັນທິຕຖິໂກ ອະກາລິໂກ ເອຫິປັສສິໂກ ໂອປະນະຢິໂກ ປັຈຈັຕຕັງ ເວທິຕັພໂພ ວິຍຍູຫີຕິ ທັມມັງ ຫິໂວ ພິກຂະເວ ອະນຸສສະຣະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ໂສ ປະຫິຢຢິສສະຕິ ໂນ ເຈ ທັມມັງ ອະນຸສສະເຣຢຢາຖະ ອະຖະ ສັງຄັງ ອະນຸສສະເຣຢຢາຖະ ສຸປະຕິປັນໂນ ພະຄະວະໂຕ ສາວະ ກະສັງໂຄ ອຸຊຸປະຕິປັນໂນ ພະຄະວະໂຕ ສາວະກະສັງໂຄ ຍາຢະ ປະຕິປັນໂນ ພະຄະວະໂຕ ສາວະກະສັງໂຄ ສາມີຈິປະຕິປັນໂນ ພະຄະວະໂຕ ສາວະກະສັງໂຄ ຢະທິທັງ ຈັຕຕາຣິ ປຸຣິສະຢຸຄານິ ອັຕຖະ ປຸຣິສະປຸຄຄະລາ ເອສະ ພະຄະວະໂຕ ສາວະກະສັງໂຄ ອາຫຸເນຢໂຢ ປາຫຸເນຢໂຢ ທັກຂິເນຢໂຢ ອັຍຊະລີກະຣະນະໂຢ ອະນຸຕຕະຣັງ ປຸຍຍັກເຂຕຕັງ ໂລກັສສາຕິ ສັງຄັງ ຫິ ໂວ ພິກຂະເວ ອະນຸສສະຣະຕັງ ຢັມພະວິສສະຕິ ພະຢັງ ວາ ສັມພິຕັຕຕັງ ວາ ໂລມະຫັງໂສ ວາ ໂສ ປະຫິຢຢິສສະຕິ ຕັງ ກິສສະ ເຫຕຸ ຕະຖາ ຄະໂຕ ຫິ ພິກຂະເວ ອະຣະຫັງ ສັມມາສັມພຸທໂທ ວີຕະຣາໂຄ ວີຕະໂທໂສ ວີຕະໂມໂຫ ອະພິຣຸ ອັຈສັມພີ ອະນຸຕຣາສີ ອະປະ ລາຢີຕິຯ ອິທະມະໂວຈະ ພະຄະວາ ອິທັງ ວຕວານະ ສຸຄະໂຕ ອະຖາປະຣັງ ເອຕະທະໂວຈະ ສັຕຖາ ອະຣັຍເຍ ຣຸກຂະມູເລ ວາ ສຸຍຍາຄາເຣວະ ພິກຂະໂວ ອະນຸສສະເຣຖະ ສັມພຸທທັງ ພະຢັງ ຕຸມະຫາກະ ໂນ ສິຢາ ໂນ ເຈ ພຸທທັງ ສະເຣຢຢາຖະ ໂລກະ ເຊຕຖັງ ນະຣາສະພັງ ອະຖະ ທັມມັງ ສະເຣຢຢາຖະ ນິຢຢານິກັງ ສຸເທສິຕັງ ໂນ ເຈ ທັມມັງ ສະເຣຢຢາຖະ ນິຢຢານິກັງ ສຸເທສິຕັງ ອະຖະ ສັງຄັງ ສະເຣຢຢາຖະ ປຸຍຍັກເຂຕຕັງ ອະນຸຕຕະຣັງ ເອວັມພຸທທັງ ສະຣັນຕານັງ ທັມມັງ ສັງຄັຍຈະ ພິກຂະໂວ ພະຢັງ ວາ ສັມພິຕັຕຕັງ ວາ ໂລມະຫັງໂສ ນະ ເຫສສະຕີຕິ ຯ ___________________   ເຣິ່ມອາຕານາຕິຢະປະຣິຕຕັງ ອັປປະສັນເນຫິ ນາຖັສສະ ສາສະເນ ສາທຸສັມມະເຕ ອະມະນຸສເສຫິ ຈັນເທຫິ ສະທາ ກິພພິສະກາຣິພິ ປະຣິສານັຍຈະ ຕັສສັນນະມະຫິງສາຢະ ຈະ ຄຸຕຕິຢາ ຢັນເທເສສີ ມະຫາວີໂຣ ປະຣິຕຕັນຕັມພະນະນະ ເຫ ຯ ___________________ ອາຕານາຕິຢະປະຣິຕຕັງ ວິປັສສິສສະ ນະມັຕຖຸ ຈັກຂຸມັນຕັສສະ ສິຣີມະໂຕ ສິຂິສ ສະປິ ນະມັຕຖຸ ສັພພະພູ ຕານຸກັມປິໂນ ເວສສະພຸສສະ ນະມັຕຖຸ ນຫາຕະກັສສະ ຕະປັສສິໂນ ນະມັຕຖຸ ກະກຸສັນທັສສະ ມາຣະ ເສນັປປະມັທທິໂນ ໂກນາຄະມະນັສສະ ນະມັຕຖຸ ພຣາຫມະນັສສະ ວຸສີມະໂຕ ກັສສະປັສສະ ນະມັຕຖຸ ວິປປະມຸຕຕັສສະ ສັພພະທິ ອັງຄີຣະສັສສະ ນະມັຕຖຸ ສັກຢະປຸຕຕັສສະ ສິຣີມະໂຕ ໂຢ ອິມັງ ທັມມະມະເທເສສິ ສັພພະທຸກຂາປະນູທະນັງ ເຢ ຈາປິ ນິພພຸຕາໂລເກ ຢະຖາພູຕັງ ວິປັສສິສຸງ ເຕ ຊະນາ ອະປິສຸນາ ມະຫັນຕາ ວີຕະ ສາຣະທາ ຫິຕັງ ເທວະມະນຸສສານັງ ຢັງ ນະມັສສັນຕິ ໂຄຕະມັງ ວິຊຊາຈະຣະນະສັມປັນນັງ ມະຫັນຕັງ ວີຕະສາຣະທັງ ຯ ນະໂມ ເມ ສັພພະພຸທທານັງ ອຸປປັນນານັງ ມະເຫສິນັງ ຕັນຫັງກະໂຣ ມະຫາວີໂຣ ເມທັງກະໂຣ ມະຫາຢະໂສ ສະຣະນັງ ກະໂຣ ໂລກະຫິໂຕ ທີປັງກະໂຣ ຊຸຕິນທະໂຣ ໂກນທັຍໂຍ ຊະນະ ປາໂມກໂຂ ມັງຄະໂລ ປຸຣິສາສະໂພ ສຸມາໂນ ສຸມາໂນ ທີໂຣ ເຣວະໂຕ ຣະຕິວັທທະໂນ ໂສພີໂຕ ຖຸນະສັມປັນໂນ ອະໂນມະ ທັສສີ ຊະນຸຕຕະໂມ ປະທຸໂມ ໂລກະປັຊໂຊໂຕ ນາຣະໂທ ວະຣະ ສາຣະຖີ ປະທຸມຸຕຕະໂຣ ສັຕຕະສາໂຣ ສຸເມໂທ ອັປປະຕິປຸຄຄະໂລ ສຸຊາໂຕ ສັພພະໂລກັຄໂຄ ປິຢະທັສສີ ນະຣາສະໂພ ອັຕຖະທັສສີ ກາຣຸນິໂກ ທັມມະທັສສີ ຕະໂມນຸໂທ ສິທທັຕໂຖ ອະສະໂມ ໂລເກ ຕິສໂສ ຈະ ວະທະຕັງ ວະໂຣ ປຸນໂນ ຈະ ວະຣະໂທ ພຸທໂທ ວິປັສສີ ຈະ ອະນູປະໂມ ສິຂີ ສັພພະຫິໂຕ ສັຕຖາ ເວສສະພູ ສຸຂະທາຢະໂກ ກະກຸສັນໂທ ສັຕຖະວາໂຫ ໂກນາຄະມະໂນ ຣະນັຍ ຊະໂຫ ກັສສະໂປ ສິຣິສັມປັນໂນ ໂຄຣະໂມ ສັກຢະປຸງຄະໂວ ຯ ເອເຕ ຈັຍເຍ ຈະ ສັມພຸທທາ ອັເນກະສະຕະໂກຕະໂຢ ສັພເພ ພຸທທາ ອະສະມະສະມາ ສັພເພ ພຸທທາ ມະຫິທທິກາ ສັພເພ ທະສະພະລູເປຕາ ເວສາຣັຊເຊຫຸປາຄະຕາ ສັພເພ ເຕ ປະຕິຊານັນຕິ ອາສະພັນຖານະມຸຕຕະມັງ ສີຫະນາທັງ ນະທັນເຕເຕ ປະຣິສາສຸ ວິສາຣະທາ ພຣັຫມະຈັກກັງ ປະວັຕເຕນຕິ ໂລເກ ອັປປະ ຕິວັຕຕິຢັງ ອຸເປຕາ ພຸທທະທັມເມຫິ ອັຕຖາຣະສະຫິ ນາຢະກາ ທວັຕຕິງສະ ລັກຂະນູເປຕາ ສີຕຢານຸພຢັຍຊະນາທະຣາ ພຢາ ມັປປະພາຢະ ສຸປປະພາ ສັພເພ ເຕ ມຸນິກຸຍຊະຣາ ພຸທທາ ສັພພັຍຍຸໂນ ເອເຕ ສັພເພ ຂີນາສະວາ ຊິນາ ມະຫັປປະພາ ມະຫາເຕຊາ ມະຫາປັຍຍາ ມະຫັພພະລາ ມະຫາກາຣຸນິກາ ທີຣາ ສັພເພສານັງ ສຸຂາວະຫາ ທີປາ ນາຖາ ປະຕິຕຖາ ຈະ ຕານາ ເລນາ ຈະ ປານິນັງ ຄະຕີ ພັນທູ ມະຫັສສາສາ ສະຣະນາ ຈະ ຫິເຕສິໂນ ສະເທວະກັສສະ ໂລກັສສະ ສັພເພ ເອເຕ ປະຣາ ຢະນາ ເຕສາຫັງ ສິຣະສາ ປາເທ ວັນທາມິ ປຸຣິສຸຕຕະເມ ວະຈະສາ ມະນະສາ ເຈວະ ວັນທາເມເຕ ຕະຖາຄະເຕ ສະຢະເນ ອາສະເນ ຖາເນ ຄະມະເນ ຈາປິ ສັພພະທາ ສະທາ ສຸເຂນະ ຣັກຂັນຕຸ ພຸທທາ ສັນຕິກະຣາ ຕຸວັງ ເຕຫິ ຕວັງ ຣັກຂິໂຕ ສັນໂຕ ມຸຕໂຕ ສັພພະພະເຢນະ ຈະ ສັພພະໂຣຄະວິນິມຸຕໂຕ ສັພພະສັນຕາ ປະວັຊຊິໂຕ ສັພພະເວຣະມະຕິກກັນໂຕ ນິພພຸໂຕ ຈະ ຕຸວັງ ພະວະ ຯ ເຕສັງ ສັຈເຈນະ ສີເລນະ ຂັນຕິເມຕຕາພະເລນະ ຈະ ເຕປິ ຕຸມເຫ ອະນຸຣັກຂັນຕຸ ອາໂຣຄເຢນະ ສຸເຂນະ ຈະຯ ປຸຣັຕຖິມັສມິງ ທິສາພາເຄ ສັນຕິ ພູຕາ ມະຫິທທິກາ ເຕປິ ຕຸມເຫ ອັນຸຣັກຂັນຕຸ ອາໂຣຄເຢນະ ສຸເຂນະ ຈະ ທັກຂິນັສມິງ ທິສາພາເຄ ສັນຕິ ເທວາ ມະຫິທທິກາ ເຕປິ ຕຸມເຫ ອະນຸຣັກຂັນຕຸ ອາໂຣຄເຢນະ ສຸເຂນະ ຈະ ປັຈສິມັສມິງ ທິສາພາເຄ ສັນຕິ ນາຄາ ມິຫິທທິກາ ເຕຫິ ຕຸມເຫ ອະນຸຣັກຂັນຕຸ ອາໂຣຄເຢນະ ສຸເຂນະ ຈະ ອຸຕຕະຣັສມິງ ທິສາ ພາເຄ ສັນຕິ ຢັກຂາ ມະຫິທທິກາ ເຕປິ ຕຸມເຫ ອະນຸຣັກຂັນຕຸ ອາໂຣຄເຢນະ ສຸເຂນະ ຈະ ປຸຣິມະທິສັງ ທະຕະຣັຕໂຖ ທິກຂິເນນະ ວິຣຸລຫະໂກ ປັຈສິເມນະ ວິຣູປັກໂຂ ກຸເວໂຣ ອຸຕຕະຣັງ ທິສັງ ຈັຕຕາໂຣ ເຕ ມະຫາຣາຊາ ໂລກະປາລາ ຢະສັສສິໂນ ເຕປິ ຕຸມເຫ ອະນຸຣັກຂັນຕຸ ອາໂຣເຢນະ ສຸເຂນະ ຈະ ອາກາສັຕຖາ ຈະ ພຸມມັຕຖາ ເທວາ ນາຄາ ມະຫິທທິກາ ເຕປິ ຕຸມເຫ ອະນຸຣັກຂັນຕຸ ອາໂຣຄເຢນະ ສຸເຂນະ ຈະ ຯ ນັຕຖິ ເມ ສະຣະນັງ ອັຍຍັງ ພຸທໂທ ເມ ສະຣະນັງ ວະຣັງ ເອເຕນະ ສັຈຈະວັຊເຊນະ ໂຫຕຸ ເຕ ຊະຢະມັງຄະລັງ ນັຕຖິ ເມ ສະຣະນັງ ອັຍຍັງ ທັມໂມ ເມ ສະຣະນັງ ວະຣັງ ເອເຕນະ ສັຈຈະວັຊເຊນະ ໂຫຕຸ ເຕ ຊະຢະມັງຄະລັງ ນັຕຖິ ເມ ສະຣະນັງ ອັຍຍັງ ສັງໂຄ ເມ ສະຣະນັງວະຣັງ ເອເຕນະ ສັຈຈະວັຊເຊນະ ໂຫຕຸ ເຕ ຊະຢະມັງຄະລັງ ຯ ຢັງກິຍຈິ ຣະຕະນັງ ໂລເກ ວິຊຊະຕິ ວິວິທັງ ປຸຖຸ ຣະຕະນັງ ພຸທທະສະມັງ ນັຕຖິ ຕັສມາ ໂສຕຖີ ພະວັນຕຸ ເຕ ຯ ຢັງກິຍຈິ ຣະຕະນັງ ໂລເກ ວິຊຊະຕິ ວິວິທັງ ປຸຖຸ ຣະຕະນັງ ທັມມະສະມັງ ນັຕຖິ ຕັສມາ ໂສຖີ ພະວັນຕຸ ເຕ ຯ ຢັງກິຍຈິ ຣະຕະນັງ ໂລເກ ວິຊຊະຕິ ວິວິທັງ ປຸຖຸ ຣະຕະນັງ ສັງຄະສະມັງ ນັຕຖິ ຕັສມາ ໂສຕຖີ ພະວັນຕຸ ເຕ ຯ ສັກກັຕວາ ພຸທທະຣະຕະນັງ ໂອສະຖັງ ອຸຕຕະມັງ ວະຣັງ ຫິຕັງ ເທວະມະນຸສສານັງ ພຸທທະ ເຕເຊນະ ໂສຕຖິນາ ນັສສັນຕຸ ປັທທະວາ ສັພເພ ທຸກຂາ ວູປະສະເມນຕຸ ເຕ ສັກກັຕວາ ທັມມະ ຣະຕະນັງ ໂອສະຖັງ ອຸຕຕະມັງ ວະຣັງ ປະຣິລາຫູປະສະມະນັງ ທັມມະເຕເຊນະ ໂສຕຖິນາ ນັສສັນຕຸປັທທະວາ ສັພເພ ພະຢາ ວູປະສະເມນຕຸ ເຕ ສັກກັຕວາ ສັງຄະຣະຕະນັງ ໂອສະຖັງ ອຸຕຕະມັງ ວະຣັງ ອາຫຸເນຢຢັງ ປາຫຸເນຢຢັງ ສັງຄະເຕເຊນະ ໂສຕຖິນາ ນັສສັນຕຸປັທທະວາ ສັພເພ ໂຣຄາ ວູປະສະເມນຕຸ ເຕ ຯ ສັພພີຕິໂຢ ວິວັຊຊັນຕຸ ສັພພະໂຣໂຄ ວິນັສສະຕຸ ມາ ເຕ ພະວັຕຕວັນຕະຣາໂຢ ສຸຂີທີຄາຢຸໂກ ພະວະ ອະພິວາທະນະສີລິສສະ ນິຈຈັງ ວຸທທາປະຈາຢິໂນ ຈັຕຕາໂຣ ທັມມາ ວັທທັນຕິ ອາຢຸວັນໂນ ສຸຂັງ ພະລັງ ຯ ______________________   ເຣິ່ມອັງຄຸລິມາລະປະຣິຕຕັງ ປະຣິຕຕັງ ຢັມພະນັນຕັສສະ ນິສິນນັຕຖານະໂທວະນັງ ອຸທະກັມປິ ວິນາເສຕິ ສັພພະເມວະ ປະຣິສສະຢັງ ໂສຕຖິນາ ຄັພພະວຸຕຖານັງ ຢັຍຈະ ສາເທຕິ ຕັງ ຂະເນ ເຖຣັສສັງຄຸລິມາ ລັສສະ ໂລກະນາເຖນະ ພາສິຕັງ ກັປປັຕຖາຢິ ມະຫາເຕຊັງ ປະຣິຕຕັນຕັມພະນາມະ ເຫ ຯ ___________________ ອັງຄຸລິມາລະປະຣິຕຕັງ ຢະໂຕຫັງ ພະຄິນີ ອະຣິຢາຢະ ຊາຕິຢາ ຊາໂຕ ນາພິຊາ ນາມິ ສັຍຈິຈຈະ ປານັງ ຊີວິຕາ ໂວໂຣເປຕາ ເຕນະ ສັຈເຈນະ ໂສຕຖິ ເຕ ໂຫຕຸ ໂສຕຖິ ຄັພພັສສະ ຯ ຢະໂຕຫັງ ພະຄິນິ ອະຣິຢາຢະ ຊາຕິຢາ ຊາໂຕ ນາພິຊານາມິ ສັຍຈິຈຈະ ປານັງ ຊີວິຕາ ໂວໂຣເປຕາ ເຕນະ ສັຈເຈນະ ໂສຕຖິ ເຕ ໂຫຕຸ ໂສຕຖິ ຄັພພັສສະ ຯ ຢະໂຕຫັງ ພະຄິນິ ອະຣິຢາຢະ ຊາຕິຢາ ຊາໂຕ ນາພິຊານາມິ ສັຍຈິຈຈະ ປານັງ ຊີວິຕາ ໂວໂຣເປຕາ ເຕນະ ສັຈເຈນະ ໂສຕຖິ ເຕ ໂຫຕຸ ໂສຕຖິ ຄັພພັສສະ ຯ _________________________   ເຣິ່ມໂພຊຊັງຄະປະຣິຕຕັງ ສັງສາເຣ ສັງສະຣັນຕານັງ ສັພພະທຸກຂະວິນສະເນ ສັຕຕະ ທັມເມ ຈະ ໂພຊຊັງເຄ ມາຣະເສນັປປະມັທທິໂນ ພຸຊຊິຕວາ ເຢປິເມ ສັຕຕາ ຕິພະວາມຸຕຕະກຸຕຕະມາ ອະຊາຕິງ ອະຊະຣາພຢາທິງ ອະມະຕັງ ນິພພະຢັງ ຄະຕາ ເອວະມາທິຄຸນູ ເປຕັງ ອະເນກະຄຸນະສັງຄະຫັງ ໂອສະຖັຍຈະ ອິມັງ ມັນຕັງ ໂພຊຊັງຄັນຕັມພະນາມະ ເຫ ຯ ___________________ ໂພຊຊັງຄະປະຣິຕຕັງ ໂພຊຊັງໂຄ ສະຕິສັງຂາໂຕ ທັມມານັງ ວິຈະໂຢ ຕະຖາ ວິຣິຢັມປີຕິ ປັສສັທທິໂພຊຊັງຄາ ຈະ ຕະຖາປະເຣ ສະມາທຸເປກຂະ ໂພຊຊັງຄາ ສັຕເຕເຕ ສັພພະທັສສິນາ ມຸນິນາ ສັມມະທັກຂາຕາ ພາວິຕາ ພະຫຸລີກະຕາ ສັງວັຕຕັນຕິ ອະພິຍຍາຢະ ນິພພານາຢະ ຈະ ໂພທິຢາ ເອເຕນະ ສັຈຈະວັຊເຊນະ ໂສຕຖິ ເຕ ໂຫຕຸ ສັພພະທາ ຯ ເອກັສມິງ ສະມະເຢ ນາໂຖ ໂມຄຄັລລານັຍຈະ ກັສສະປັງ ຄິລາເນ ທຸກຂິເຕ ທິສວາ ໂພຊຊັງເຄ ສັຕຕະ ເທສະຢິ ເຕ ຈະ ຕັງ ອະພິນັນທິຕວາ ໂຣຄາ ມຸຈຈິງສຸ ຕັງຂະເນ ເອເຕນະ ສັຈຈະວັຊເຊນະ ໂສຕຖິ ເຕ ໂຫຕຸ ສັພພະທາຯ ເອກະທາ ທັມມະຣາຊາປິ ເຄລັຍເຍ ນາພິປີລິໂຕ ຈຸນທັຕເຖເຣນະ ຕັຍເຍວະ ພະນາເປຕວານະ ສາທະຣັງ ສັມໂມທິຕວາ ຈະ ອາພາທາ ຕັມະຫາ ວຸຕຖາສິ ຖານະໂສ ເອເຕນະ ສັຈຈະວັຊເຊນະ ໂສຕຖິ ເຕ ໂຫຕຸ ສັພພະທາ ຯ ປະຫີນາ ເຕ ຈະ ອາພາທາ ຕິນນັນນັມປິ ມະເຫສິນັງ ມັຄຄາຫະຕະກິເລສາ ວະ ປັຕຕານຸປປັຕຕິທັມມະຕັງ ເອເຕນະ ສັຈຈະວັຊເຊນະ ໂສຕຖິ ເຕ ໂຫຕຸ ສັພພະທາ ຯ ___________________   ເຣິ່ມອະພະຢະປະຣິຕຕັງ ປຸຍຍະລາພັງ ມະຫາເຕຊັງ ວັນນະກິຕຕິມະຫາຢະສັງ ສັພພະສັຕຕະຫິຕັງ ຊາຕັງ ຕັງ ສຸນັນຕຸ ອະເສສະໂຕ ອັຕຕັປປະຣະຫິຕັງ ຊາຕັງ ປະຣິຕຕັນຕັມພະນາມະ ເຫຯ ___________________ ອະພະຢະປະຣິຕຕັງ ຢັນທຸນນິມິຕຕັງ ອະວະມັງຄະລັຍຈະ ໂຢ ຈາມະນາໂປ ສະກຸນັສສະ ສັທໂທ ປາປັຄຄະໂຫ ທຸສສຸປິນັງ ອະກັນຕັງ ພຸທທານຸພາເວນະ ວິນາສະເມນຕຸ ຯ ຢັນທຸນນິມິຕຕັງ ອະວະມັງ ຄະລັຍຈະ ໂຢ ຈາມະນາໂປ ສະກຸນັສສະ ສັທໂທ ປາປັຄຄະໂຫ ທຸສສຸປິນັງ ອະກັນຕັງ ທັມມານຸພາເວນະ ວິນາສະເມນຕຸ ຯ ຢັນທຸນນິມິຕຕັງ ອະວະມັງຄະລັຍຈະ ໂຢ ຈາມະນາໂປ ສະກຸນັສສະ ສັທໂທ ປາປັຄຄະໂຫ ທຸສສຸປິນັງ ອະກັນຕັງ ສັງຄານຸພາເວນະ ວິນາສະເມນຕຸ ຯ ທຸກຂັປປັຕຕາ ຈະ ນິທທຸກຂາ ພະຢັປປັຕຕາ ຈະ ນິພພະຢາ ໂສກັປປັຕຕາ ຈະ ນິສໂສກາ ໂຫນຕຸ ສັພເພປິ ປານິໂນ ເອຕຕາວະຕາ ຈະ ອັມເຫຫິ ສັມພະຕັງ ປຸຍຍະສັມປະທັງ ສັພເພ ເທວາ ນຸໂມທັນຕຸ ສັພພະສັມປັຕຕິສິທທິຢາ ທານັງ ທະທັນຕຸ ສັທທາຢະ ສີລັງ ຣັກຂັນຕຸ ສັພພະທາ ພາວະນາພິຣະຕາ ໂຫນຕຸ ຄັຈສັນຕຸ ເທວະຕາຄະຕາ ຯ ສັພເພ ພຸທທາ ພະລັປປັຕຕາ ປັຈເຈການັຍຈະ ຢັງ ພະລັງ ອະຣະຫັນຕານັຍຈະ ເຕເຊນະ ຣັກຂັງ ພັນທາມິ ສັພພະໂສຯ ____________________   ເຣິ່ມຊະຢະປະຣິຕຕັງ ຊະຢັງ ເທວະມະນຸສສານັງ ຊະໂຢ ໂຫຕຸ ປະຣາຊິໂຕ ມາຣະເສນາ ອະພິກກັນຕາ ສະມັນຕາທວາທະສະໂຢຊະນາ ຂັນຕິເມຕຕາ ອະທິຕຖານາ ວິທທັງເສຕວານະ ຈັກຂຸມາ ພະວາພະເວ ສັງສະຣັນໂຕ ທິພພະຈັກຂຸງ ວິໂສທະຢິ ປະຣິຢາ ປັນນາທິໂສຕຖານັງ ຫິຕາຢະ ຈະ ສຸຂາຢະ ຈະ ພຸທທະກິຈຈັງ ວິໂສເທຕວາ ປະຣິຕຕັນຕັມພະນາມະ ເຫ ຯ ___________________ ຊະຢະປະຣິຕຕັງ ມະຫາກາຣຸນິໂກ ນາໂຖ ຫິຕາຢະ ສັພພະປານິນັງ ປູເຣຕວາ ປາຣະມີ ສັພພາ ປັຕໂຕ ສັມໂພທິມຸຕຕະມັງ ເອເຕນະ ສັຈຈະວັຊ ເຊນະ ໂຫຕຸ ເຕ ຊະຢະມັງຄະລັງ ຯ ຊະຢັນໂຕ ໂພທິຢາ ມູເລ ສັກຢານັງ ນັນທິວັທທະໂນ ເອວັງ ຕວັງ ວິຊະໂຢ ໂຫຫິ ຊະຢັສສຸ ຊະຢະມັງຄະເລ ອະປະຣາຊິຕະປັລລັງເກ ສີເສ ປະຖະວິວໂປກຂະເຣ ອະພິເສເກ ສັພພະພຸທທານັງ ອັຄຄັປປັຕໂຕ ປະໂມທະຕິ ສຸນັກ ຂັຕຕັງ ສຸມັງຄະລັງ ປຸປະພາຕັງ ສຸຫຸຕຖິຕັງ ສຸກຂະໂນ ສຸມຸຫຸຕໂຕ ຈະ ສຸຢິຕຖັງ ພຣັຫມະຈາຣີສຸປະທັກຂິນັງ ກາຢະກັມມັງ ວາຈາກັມມັງ ປະທັກຂິນັງ ປະທັກຂິນັງ ມະໂນກັມມັງ ປະນິທີເຕ ປະທັກຂິນາ ປະທັກ ຂິນານິ ກັຕວານະລະພັນຕັຕເຖ ປະທັກຂິເນ ຯ ໂສ ອັຕຖະລັທໂທ ສຸຂິໂຕ ວິຣຸລໂຫ ພຸທທະສາສະເນ ອະໂຣໂຄ ສຸຂິໂຕ ໂຫຫິ ສະຫະ ສັພເພຫິ ຍາຕິພິ ສາ ອັຕຖະລັທທາ ສຸຂິຕາ ວິຣຸລຫາ ພຸທທະສາສະເນ ອະໂຣຄາ ສຸຂິຕາ ໂຫຫິ ສະຫະ ສັພເພຫິ ຍາຕິພິ ເຕ ອັຕຖະລັທທາ ສຸຂິຕາ ວິຣຸລຫາ ພຸທທະສາ ສະເນ ອະໂຣຄາ ສຸຂິຕາ ໂຫຖະ ສະຫະ ສັພເພຫິ ຍາຕິພິ ຯ ພະວະຕຸ ສັພພະມັງຄະລັງ ຣັກຂັນຕຸ ສັພພະເທວະຕາ ສັພພະພຸທທານຸພາເວນະ ສະທາ ໂສຕຖີ ພະວັນຕຸ ເຕ ຯ ພະວະຕຸ ສັພພະມັງຄະລັງ ຣັກຂັນຕຸ ສັພພະເທວະຕາ ສັພພະ ທັມມານຸພາເວນະ ສະທາ ໂສຕຖີ ພະວັນຕຸ ເຕ ຯ ພະວະຕຸ ສັພພະມັງຄະລັງ ຣັກຂັນຕຸ ສັພພະເທວະຕາ ສັພພະສັງຄາ ນຸພາເວນະ ສະທາ ໂສຕຖີ ພະວັນຕຸ ເຕ ຯ ນັກຂັຕຕະຢັກຂະພູຕານັງ ປາປັຄຄະຫະນິວາຣະນາ ປະຣິຕ ຕັສສານຸພາເວນະ ຫັນຕວາ ເຕສັງ ອຸປັທທະເວ ຯ ນັກຂັຕຕະຢັກຂະ ພູຕານັງ ປາປັຄຄະຫະນິວາຣະນາ ປະຣິຕຕັສສານຸພາເວນະ ຫັນຕວາ ເຕສັງ ອຸປັທທະເວ ຯ ນັກຂັຕຕະຢັກຂະພູຕານັງ ປາປັຄຄະຫະ ນິວາຣະນາ ປະຣິຕຕັສສານຸພາເວນະ ຫັນຕວາ ເຕສັງ ອຸປັທທະເວ ຯ   ຈົບສິບສອງຕຳນານບໍຣິບູຣນ໌ ຈະເຣີນຍ໌ທັມມ໌..........ໄພທຣູຍ໌ ອິນທະວົງສ໌    ………ຢະຖາ ວາຣິວະຫາ ປູຣາ ປະຣິປູເຣັນຕິ ສາຄະຣັງ ເອວະເມວະ ອິໂຕ ທິນນັງ ເປຕານັງ ອຸປະກັປປະຕິ ອິຈສິຕັງ ປັຕຖິຕັງ ຕຸມຫັງ ຂິປປະເມວະ ສະມິຊຊະຕຸ ສັພເພ ປູເຣັນຕຸ ສັງກັປປາ ຈັນໂທ ປັນນະຣະໂສ ຢະຖາ ມະນິ ໂຊຕິຣະໂສ ຢະຖາ......... ສັພພີຕິໂຢ ວິວັຊຊັນຕຸ ສັພພະໂຣໂຄ ວິນັສສະຕຸ ມາ ເຕ ພະວັຕວັນຕະຣາໂຢ ສຸຂີ ທີຄາຢຸໂກ ພະວະ ອະພິວາທະນະສີລີສສະ ນິຈຈັງ ວຸທທາປະຈາຢິໂນ ຈັຕຕາໂຣ ທັມມາ ວັທທັນຕິ ອາຢຸ ວັນໂນ ສຸຂັງ ພະລັງ……… ຯລຯ