ພຣະອະພິທັມມ໌ ໗ ຄັມພີຣ໌

ພຣະທາຕຸກກຖາ (໔໑)

ວ່າດ້ວຍທັມມ໌ະຈັດຣະບຽບຄວາມສັມພັນທ໌ ໂດຍຖືທາຕຸເປັນຫລັກ ພຣະອະພິທັມມ໌ນີ້ຖືເປັນ ຫລັກທັມມ໌ຊັ້ນສູງໃນພຣະພຸທທະສາສນາ ພຣະພຸທທະອົງຄ໌ໄດ້ທຣົງສະແດງໂປຣດ ພຸທທະມາຣດາ ແລະເຫຼົ່າເທວະດາເທິ່ງສະຫວັຣຄ໌ຊັ້ນດາວດຶງສ໌ພຽງເທື່ອດຽວ

ນິຍົມສວດ ໃນງານສົພມີ ໗ ຄັມພີຣ໌

ສັງຄະໂຫ  - ພຣະພຸທທະອົງຄ໌ສົງເຄາະຫ໌ຊຶ່ງຈິຕ-ເຈຕະສິກ-ຣູປເຂົ້າໃນຂັນທ໌ເປັນຫມວດ ໑

ອະສັງຄະໂຫ  - ພຣະພຸທທະອົງຄ໌ບໍ່ສົງເຄາະຫ໌ຊຶ່ງຣູປທັມມ໌ທັ້ງຫຼາຍເຂົ້າໃນຂັນທ໌ເປັນຫມວດ ໑

ສັງຄະຫິເຕນະ ອະສັງຄະຫິຕັງ - ພຣະພຸທທະອົງຄ໌ບໍ່ສົງເຄາະຫ໌ຊຶ່ງຈິຕ-ເຈຕະສິກ-ຣູປ ດ້ວຍທັມມ໌ອັນສົງເຄາະຫ໌ແລ້ວ

ອະສັງຄະຫິເຕນະ ສັງຄະຫິຕັງ  - ພຣະພຸທທະອົງຄ໌ສົງເຄາະຫ໌ຊຶ່ງຈິຕ-ເຈຕະສິກ-ຣູປ ດ້ວຍທັມມ໌ອັນບໍ່ໄດ້ສົງເຄາະຫ໌

ສັງຄະຫິເຕນະ ສັງຄະຫິຕັງ - ພຣະພຸທທະອົງຄ໌ສົງເຄາະຫ໌ຊຶ່ງຈິຕ-ເຈຕະສິກ-ຣູປ ດ້ວຍທັມມ໌ອັນສົງເຄາະຫ໌ແລ້ວ

ອະສັງຄະຫິເຕນະ ອະສັງຄະຫິຕັງ  - ພຣະພຸທທະອົງຄ໌ບໍ່ສົງເຄາະຫ໌ຊຶ່ງຈິຕ-ເຈຕະສິກ-ຣູປ ດ້ວຍທັມມ໌ອັນບໍ່ໄດ້ສົງເຄາະຫ໌

ສັມປະໂຢໂຄ  - ເຈຕະສິກທັມມ໌ທັ້ງຫຼາຍ ອັນປະກອບພ້ອມກັບຈິຕ

ວິປປະໂຢໂຄ  - ເຈຕະສິກທັມມ໌ທັ້ງຫຼາຍ ອັນບໍ່ປະກອບພ້ອມກັບຈິຕ

ສັມປະຢຸຕເຕນະ ວິປປະຢຸຕຕັງ  - ປະກອບເຈຕະສິກອັນຕ່າງກັນ ດ້ວຍເຈຕະສິກອັນປະກອບ ພ້ອມກັນເປັນຫມວດດຽວ

ວິປປະຢຸຕເຕນະ ສັມປະຢຸຕຕັງ - ປະກອບເຈຕະສິກອັນບັງເກີດພ້ອມກັນ ດ້ວຍເຈຕະສິກອັນ ຕ່າງກັນເປັນຫມວດດຽວ

ອະສັງຄະຫິຕັງ. - ພຣະພຸທທະອົງຄ໌ບໍ່ສົງເຄາະຫ໌ຊຶ່ງທັມມ໌ອັນບໍ່ຄວຣສົງເຄາະຫ໌ ໃຫ້ຣະຄົນກັນ.