ພຣະອະພິທັມມ໌ ໗ ຄັມພີຣ໌

ພຣະປຸຄຄະລະປັນຍ໌ຢັຕຕິ (໔໒)

ວ່າດ້ວຍບັນຍ໌ຍັຕິ ໖ ຢ່າງ ແລະສະແດງຣາຍລະອຽດສະເພາະບັນຍ໌ຍັຕິອັນກ່ຽວກັບບຸຄຄົລ ພຣະອະພິທັມມ໌ນີ້ຖືເປັນຫລັກທັມມ໌ຊັ້ນສູງໃນພຣະພຸທທະສາສນາ ພຣະພຸທທະອົງຄ໌ໄດ້ທຣົງສະແດງໂປຣດພຸທທະມາຣດາ ແລະເຫຼົ່າເທວະດາເທິ່ງສະຫວັຣຄ໌ຊັ້ນດາວດຶງສ໌ພຽງເທື່ອດຽວ

ນິຍົມສວດໃນງານສົພມີ ໗ ຄັມພີຣ໌

ສະ ປັນຍ໌ຢັຕຕິໂຢ  - ທັມມະຊາຕິທັ້ງຫຼາຍ ໖ ອັນບັນທິຕພຶງແຕ່ງຕັ້ງບັນຍ໌ຍັຕິໄວ້

ຂັນທະປັນຍ໌ຢັຕຕິ - ກອງແຫ່ງຣູປແລະນາມເປັນທັມມະຊາຕິ ອັນບັນທິຕພຶງແຕ່ງຕັ້ງບັນຍ໌ຍັຕິໄວ້

ອາຢະຕະນະປັນຍ໌ຢັຕຕິ - ທີ່ເກີດແຫ່ງຕັນຫາ ຄື ຕາ ຫູ ດັງ ລິ້ນ ກາຍ ໃຈ ອັນບັນທິຕພຶງແຕ່ງຕັ້ງ ບັນຍ໌ຍັຕິໄວ້

ທາຕຸປັນຍ໌ຢັຕຕິ  - ທາຕຸທັ້ງ ໔ ຄື ດິນ ນ້ຳ ໄຟ ລົມ ເປັນທັມມະຊາຕິອັນບັນທິຕພຶງແຕ່ງຕັ້ງ ບັນຍ໌ຍັຕິໄວ້

ສັຈຈະປັນຍ໌ຢັຕຕິ  - ຂອງຈິງຢ່າງປະເສຣີຖຄື ທຸກຂ໌ ສະມຸທັຍ ນິໂຣທ ມັຄ ເປັນທັມມະຊາຕິອັນ ບັນທິຕພຶງແຕ່ງຕັ້ງບັນຍ໌ຍັຕິໄວ້

ອິນທະຣິຢະປັນຍ໌ຢັຕຕິ - ອິນທຣີຢ໌ ໒໒ ເປັນທັມມະຊາຕິອັນບັນທິຕພຶງແຕ່ງຕັ້ງບັນຍ໌ຍັຕິໄວ້

ປຸຄຄະລະປັນຍ໌ຢັຕຕິ  - ບຸຄຄົລທີ່ເປັນທັມມະຊາຕິອັນບັນທິຕພຶງແຕ່ງຕັ້ງບັນຍ໌ຍັຕິໄວ້

ກິຕຕາວະຕາ ປຸຄຄະລານັງ  - ແຫ່ງບຸຄຄົລທັ້ງຫຼາຍ ນີ້ ມີຈັກຈຳພວກແທ້ໜໍ້

ປຸຄຄະລະປັນຍ໌ຢັຕຕິ  - ບຸຄຄົລທີ່ເປັນທັມມະຊາຕິອັນບັນທິຕພຶງແຕ່ງຕັ້ງບັນຍ໌ຍັຕິໄວ້

ສະມະຢະວິມຸຕໂຕ  - ພຣະອະຣິຍະບຸຄຄົລ ຜູ້ມີຈິຕພົ້ນວິເສສເປັນສະມັຍຢູ່ ມີພຣະໂສດາບັນ ເປັນຕົ້ນ

ອະສະມະຢະວິມຸຕໂຕ  - ພຣະອະຣິຍະບຸຄຄົລ ຜູ້ມີຈິຕພົ້ນວິເສສບໍ່ມີເປັນສະມັຍ ມີພຣະອະຣະຫັນຕ໌ ເປັນຕົ້ນ

ກຸປປະທັມໂມ  - ຊານທີ່ເປັນເຄື່ອງເຜົາກິເລສ ອັນບຸຄຄົລໄດ້ແລ້ວ ຍ່ອມກຳເຣີບສູນຍ໌ໄປ

ອະກຸປປະທັມໂມ  - ຊານທີ່ເປັນເຄື່ອງເຜົາກິເລສ ອັນບຸຄຄົລໄດ້ແລ້ວ ຍ່ອມບໍ່ກຳເຣີບ

ປະຣິຫານະທັມໂມ  - ຊານທີ່ເປັນເຄື່ອງຂ້າກິເລສ ອັນບຸຄຄົລໄດ້ສູງຂື້ນໄປແລ້ວ ຍ່ອມເສື່ອມຖອຍລົງ

ອະປະຣິຫານະທັມໂມ  - ຊານທີ່ເປັນເຄື່ອງຂ້າກິເລສ ອັນບຸຄຄົລໄດ້ສູງຂື້ນໄປແລ້ວ ຍ່ອມບໍ່ເສື່ອມຖອຍລົງ

ເຈຕະນາພັພໂພ  - ຊານທີ່ເປັນເຄື່ອງຂ້າກິເລສ ອັນບຸຄຄົລໄດ້ແລ້ວ ບໍ່ສາມາຖທີ່ຈະຣັກສາໄວ້ ໃນສັນດານ

ອະນຸຣັກຂະນາພັພໂພ  - ຊານທີ່ເປັນເຄື່ອງຂ້າກິເລສ ອັນບຸຄຄົລໄດ້ແລ້ວ ກໍຕາມຣັກສາໄວ້ ໃນສັນດານ

ປຸຖຸຊຊະໂນ  - ບຸຄຄົລທີ່ມີອາສວະເຄື່ອງຍ້ອມໃຈ ອັນຫນາແນ່ນໃນສັນດານ

ໂຄຕະຣະພູ  - ບຸຄຄົລຜູ້ຈະເຣີນຍ໌ໃນພຣະກັມຖານຕະຫຼອດຂື້ນໄປເຖິ່ງໂຄຕະຣະພູ

ພະຢູປະຣະໂຕ  - ບຸຄຄົລຜູ້ເປັນປຸຖຸຊົນ ຍ່ອມມີຄວາມຢ້ານເປັນເບື້ອງຫນ້າ

ອະພະຢູປະຣະໂຕ  - ພຣະຂີນາສົພ ບຸຄຄົລຜູ້ມີຄວາມຢ້ານອັນໝົດແລ້ວ

ພັພພາຄະມະໂນ  - ບຸຄຄົລຜູ້ມີວາສະນາອັນແຮງກລ້າ ສາມາຖຈະໄດ້ມັຄແລະຜົລໃນຊາຕິນັ້ນ

ອະພັພພາຄະມະໂນ  - ບຸຄຄົລຜູ້ມີວາສນາອັນນ້ອຢ ບໍ່ສາມາຖຈະໄດ້ມັຄຜົລໃນຊາຕິນັ້ນ

ນິຢະໂຕ  - ບຸຄຄົລຜູ້ກະທຳຊຶ່ງປັນຍ໌ຈະອະນັນຕະຣິຢະກັມ ມີປິຕຸຄາຕເປັນຕົ້ນ ຕາຍແລ້ວ ໄປຕົກນະຣົກເປັນແນ່

ອະນິຢະໂຕ  - ບຸຄຄົລຜູ້ມີຄະຕິປະຕິສົນທິບໍ່ທ່ຽງ ຍ່ອມເປັນໄປຕາມຍະຖາກັມ

ປະຕິປັນນະໂກ  - ບຸຄຄົລຜູ້ປະຕິບັຕິມັ່ນ ເຫມາະໃນພຣະກັມະຖານ ເພື່ອຈະໄດ້ພຣະອະຣິຍະມັຄ

ຜະເລຕະຖິໂຕ - ບຸຄຄົລຜູ້ຕັ້ງຢູ່ໃນພຣະອະຣິຍະຜົລ ມີພຣະໂສດາປັຕຕິຜົລເປັນຕົ້ນ ຕາມລຳດັບ

ອະຣະຫາ  - ບຸຄຄົລຜູ້ຕັ້ງຢູ່ໃນພຣະອະຣະຫັຕຜົລ ເປັນຜູ້ຄວຣແລ້ວ ເປັນຜູ້ໄກແລ້ວຈາກກິເລສ

ອະຣະຫັຕຕາຍະ ປະຕິປັນໂນ. - ບຸຄຄົລຜູ້ປະຕິບັຕິເພື່ອຈະໃຫ້ເຖິ່ງພຣະອະຣະຫັຕຜົລ ເປັນຜູ້ຄວຣແລ້ວ ເປັນຜູ້ໄກແລ້ວຈາກກິເລສ

໔໒. ພຣະປຸຄຄະລະປັນຍ໌ຢັຕຕິ : ພຣະໄຕຣປິດົກບາລີ. ປຸຄຄະລະປັນຍ໌ຢັຕຕິປາລິ ມາຕິກາ : ໓໖/໑໐໕