ພຣະອະພິທັມມ໌ ໗ ຄັມພີຣ໌

ພຣະມະຫາປັຕຖານ (໔໕)

ວ່າດ້ວຍສິ່ງທີ່ເປັນປັຈຈັຍເກື້ອກູລສະນັບສະນຸນກັນແລະກັນ ໒໔ ຢ່າງ ພຣະອະພິທັມມ໌ນີ້ ຖືເປັນຫລັກທັມມ໌ຊັ້ນສູງໃນພຣະພຸທທະສາສນາ ພຣະພຸທທະອົງຄ໌ໄດ້ທຣົງ ສະແດງໂປຣດ ພຸທທະມາຣດາ ແລະເຫຼົ່າເທວະດາເທິ່ງສະຫວັຣຄ໌ຊັ້ນດາວດຶງສ໌ພຽງເທື່ອດຽວ

ນິຍົມສວດ ໃນງານສົພມີ ໗ ຄັມພີຣ໌

ເຫຕຸປັຈຈະໂຢ  - ຄວາມບໍ່ໂລພ-ບໍ່ໂກຣທ-ບໍ່ຫລົງເປັນຕົ້ນ ເປັນເຄື່ອງອາສັຍເປັນປັຈຈັຍ ໃຫ້ເກີດໃນທີ່ສຸຂ

ອາຣັມມະນະປັຈຈະໂຢ  - ອາຣົມນ໌ຄວາມຍິນດີໃນ ຣູປ ສຽງ ກລິ່ນ ຣົສ ໂຜຕຖັພົພະ ເປັນເຄື່ອງ ອາສັຍເປັນປັຈຈັຍໃຫ້ບັງເກີດ

ອະທິປະຕິປັຈຈະໂຢ  - ທັມມ໌ທີ່ຊື່ວ່າອະທິບໍດີ ໔ ປະກາຣ ຄື ສັນທະ ວິຣິຢະ ຈິຕຕະ ວິມັງສາ ເປັນເຄື່ອງອາສັຍເປັນປັຈຈັຍໃຫ້ບັງເກີດ

ອະນັນຕະຣະປັຈຈະໂຢ  - ຈິຕອັນກຳໜົດໃນວັຕຖຸແລະຮູ້ແຈ້ງວິເສສໃນທະວາຣທັ້ງ ໖ ເນື່ອງກັນ ບໍ່ມີຣະຫວ່າງ ເປັນເຄື່ອງອາສັຍເປັນປັຈຈັຍໃຫ້ບັງເກີດ

ສະມະນັນຕະຣະປັຈຈະໂຢ  - ຈິຕອັນກຳໜົດໃນວັຕຖຸແລະຮູ້ວິເສສໃນທະວາຣທັ້ງ ໖ ພ້ອມກັນ ບໍ່ມີຣະຫວ່າງ ເປັນເຄື່ອງອາສັຍເປັນປັຈຈັຍໃຫ້ບັງເກີດ

ສະຫະຊາຕະປັຈຈະໂຢ  - ຈິຕແລະເຈຕະສິກອັນບັງເກີດກັບດັບພ້ອມ ເປັນເຄື່ອງອາສັຍ ເປັນປັຈຈັຍ ໃຫ້ບັງເກີດ

ອັນຍ໌ຢະມັຍຢະປັຈຈະໂຢ  - ຈິຕແລະເຈຕະສິກຄ້ຳຊູຊຶ່ງກັນແລະກັນ ເປັນເຄື່ອງອາສັຍ ເປັນປັຈຈັຍ ໃຫ້ບັງເກີດ

ນິສສະຢະປັຈຈະໂຢ  - ຈິຕແລະເຈຕະສິກອາສັຍຊຶ່ງກັນແລະກັນ ເປັນເຄື່ອງອາສັຍເປັນປັຈຈັຍ ໃຫ້ບັງເກີດ

ອຸປະນິສສະຢະປັຈຈະໂຢ  - ຈິຕແລະເຈຕະສິກອັນເຂົ້າໄປໃກ້ອາສັຍຊຶ່ງກັນແລະກັນ ເປັນເຄື່ອງ ອາສັຍເປັນປັຈຈັຍໃຫ້ບັງເກີດ

ປຸເຣຊາຕະປັຈຈະໂຢ  - ອາຣົມນ໌ ໕ ມີຣູປເປັນຕົ້ນ ມາກະທົບຊຶ່ງຈັກສຸ ເປັນເຄື່ອງອາສັຍເປັນ ປັຈຈັຍໃຫ້ບັງເກີດ

ປັຈສາຊາຕະປັຈຈະໂຢ  - ຈິຕແລະເຈຕະສິກທີ່ບັງເກີດພາຍຫລັງຣູປ ເປັນເຄື່ອງອາສັຍເປັນ ປັຈຈັຍໃຫ້ບັງເກີດ

ອາເສວະນະປັຈຈະໂຢ  - ຊວນຈິຕທີ່ແລ່ນໄປຊ່ອງເສພຊຶ່ງອາຣົມນ໌ຕໍ່ກັນ ເປັນເຄື່ອງອາສັຍເປັນ ປັຈຈັຍໃຫ້ບັງເກີດ

ກັມມະປັຈຈະໂຢ - ບຸນຍ໌ບາປອັນບຸຄຄົລກະທຳແລ້ວ ເປັນເຄື່ອງອາສັຍເປັນປັຈຈັຍໃຫ້ບັງເກີດ ໃນທີ່ດີຫຼືທີ່ຊັ່ວ

ວິປາກະປັຈຈະໂຢ  - ແລະວິເສສແຫ່ງກັມອັນບຸຄຄົລກະທຳແລ້ວ ເປັນເຄື່ອງອາສັຍເປັນປັຈຈັຍ ໃຫ້ບັງເກີດໃນທີ່ດີທີ່ຊັ່ວ

ອາຫາຣະປັຈຈະໂຢ  - ອາຫາຣ ໔ ມີຜັສສາຫາຣເປັນຕົ້ນ ເປັນເຄື່ອງອາສັຍເປັນປັຈຈັຍ ໃຫ້ບັງເກີດ

ອິນທະຣິຢະປັຈຈະໂຢ  - ທັມມະຊາຕິທີ່ເປັນໃຫຍ່ໃນ ຕາ ຫູ ດັງ ລິ້ນ ກາຍ ໃຈ ເປັນເຄື່ອງອາສັຍ ເປັນປັຈຈັຍໃຫ້ບັງເກີດ

ຊານະປັຈຈະໂຢ  - ທັມມະຊາຕິເຄື່ອງຂ້າກິເລສ ເປັນເຄື່ອງອາສັຍເປັນປັຈຈັຍໃຫ້ບັງເກີດໃນ ຣູປພຣົຫມ

ມັຄຄະປັຈຈະໂຢ   - ອັຕຖັງຄິກມັຄ ມີສັມມາທິຕຖິເປັນຕົ້ນ ເປັນເຄື່ອງອາສັຍເປັນປັຈຈັຍ ໃຫ້ບັງເກີດໃນໂລກອຸດອຣ

ສັມປະຢຸຕຕະປັຈຈະໂຢ  - ຈິຕແລະເຈຕະສິກອັນບັງເກີດສັມປະຢຸຕພ້ອມໃນອາຣົມນ໌ດຽວກັນ ເປັນເຄື່ອງອາສັຍເປັນປັຈຈັຍໃຫ້ບັງເກີດ

ວິປປະຢຸຕຕະປັຈຈະໂຢ  - ຣູປທັມມ໌-ນາມທັມມ໌ທີ່ແຍກຕ່າງກັນ ບໍ່ໄດ້ຣະຄົນກັນ ເປັນເຄື່ອງ ອາສັຍເປັນປັຈຈັຍໃຫ້ບັງເກີດ

ອັຕຖິປັຈຈະໂຢ  - ຣູປທັມມ໌-ນາມທັມມ໌ທີ່ຍັງບໍ່ດັບ ເປັນປັຈຈັຍຊຶ່ງກັນແລະກັນ ເປັນເຄື່ອງອາສັຍ ເປັນປັຈຈັຍໃຫ້ບັງເກີດ

ນັຕຖິປັຈຈະໂຢ  - ຈິຕແລະເຈຕະສິກທີ່ດັບແລ້ວ ເປັນເຄື່ອງອາສັຍເປັນປັຈຈັຍໃຫ້ບັງເກີດ ຈິຕແລະເຈຕະສິກໃນປັຈຈຸບັນ

ວິຄະຕະປັຈຈະໂຢ  - ຈິຕແລະເຈຕະສິກທີ່ແຍກຕ່າງກັນ ເປັນເຄື່ອງອາສັຍເປັນປັຈຈັຍໃຫ້ບັງເກີດ ຈິຕແລະເຈຕະສິກໃນປັຈຈຸບັນ

ອະວິຄະຕະປັຈຈະໂຢ  - ຈິຕແລະເຈຕະສິກທີ່ດັບແລະບໍ່ໄດ້ຕ່າງກັນ ເປັນເຄື່ອງອາສັຍ ເປັນປັຈຈັຍໃຫ້ບັງເກີດຈິຕແລະເຈຕະສິກໃນປັຈຈຸບັນ.

໔໔. ພຣະມະຫາປັຕຖານ : ພຣະໄຕຣປິດົກບາລີ ມາຕິການິເຂປວາຣະ ປັຈຈະຢຸທເທສ ມະຫາປັຕຖານ: ໔໐/໑